Saturday, April 19, 2014

ARZ HAI


Koi pursaan-e-haal ab na raha aye shakil
yeh ahsaas huwa maa ke guzar jaane pe

--------- 

Ab kisi se bhi rakh tu na madad ki ummeed
Sahra mein sahaare ki sabhi soch rahe hain 

----------  

Bas yehi kaam duniya me mein kar jaaoon
Sab ka dil khushiyon se mein bhar jaaoon
Yeh kaam ho gaya to khushi ho gi mujhe
Phir chahe jis ghadi bhi mein mar jaaoon 

----------

Kai gham hain yehan aur kai fikrein hain
Udaas chehre bhi kabhi nikhrey hain
Kaise  honge ek jegah badi mushkil hai
Dil ke tukde yehan har tarf jo bikhre hain

 ----------


Karoon shukr mein khuda ka mujhe shajar wo banaya
jis mein phool  bhi khilte hain aur wo phal bhi deta hai
----------------- 
Kitna aasaan hai roothna bin baat pe khafa hona
Mushkil  hai  bahut  mushkil  wade ka wafa hona 
--------------------- 
Na dhoondh oose jo milta tha muft mein kabhi
Ab sab kuch luta bhi do , na mile Pyar maa ke baad 
-------------------------
Jhoot boloon kaise ke imaan tootne ka darr
Kahoon ga sach to phir rishte toot jaaeinge
 
-------------------
 

Kiye sawaal kayee aur jawaab na daarad
Kisi bhi neik kaar ka sawaab na daarad
Ameer kha pee ke mast huwey jaate hain
Ghareeb ke liye Roti aur Aab na daarad.


-----------------


 

 

No comments:

Post a Comment