Phoolon taaroon ka zikr, bad-e- sabah ka bayan
Khilkhilaata chehra ,Haseen shaam ka aasmaan
Kahan se laaoon apni zindagi mein , mein in ko
Mujhe qaidi bana rakha hai Duniyaa ne yahan
----
Jo chaahu kaam mujh se tum marzi ka apni kara lo
Tabiat mein apni chupa hai ek fann ka behta dariya
-------
Koi pal nahin jaata ke kuch “talash” na ho
Jaane kitney raaz dabaaye baithi hai zindagi
------
Kehne agar mein jaaon to ginti bhi pade kum
Jaane kitni khoobiyaan liye huway ho tum
--------
TU EK TAKAHLEEQ KHUDA KI …….MUKHTALIF
MUQABLA KYON KAROON MEIN TERA AURON SE
----
Va’az sunte hain log bhool jaate hain
Ab in mein wo baat kahan jo asar chode
------
Nahin maalum hum ko kaise umr guzri
Palon ka hamein kuch khayal kash hota
---------
Kaise bataaein hum ke ab aaein ge kab
Mustaqbil ki khabar kisi ko nahin hoti
------
Sab kuch badal raha yehan badalna sabhi ko hai
Khaaliq ne is tarah se hai chalaaya nizaam yeh
------
Pukhta imaan mera hai mijh ko fikr ho kya
Mein jaanta nahin hoon ke maayusiyaan hain kya
----
Kya khoob thay wo apne ched chaad waale din
hum bhi chale jaayeinge chod chaad ke ek din
-----
JAANE GE HUM KAB YE BHALA KAISI HAI ZINDAGI
HAR ROZ EK DARS YE NAYA DETI HAI ZINDAGI
----
Jo mein ne kaha un ki samajh mein nahin aaya
Wo kehte nahin par hum sab samajh jaate hain
----
THA TERA HUKM KE TU KEH … KAHA US NE
DIL NA CHAHAA KE KAHE, PAR KAHA US NE
BAAT HI THI KUCH AISI KE AA GAYEE HANSI
SHIKWA KAISA JO LAGAYA QEH QAHA US NE
-------
NAARI KO DIKHAANE HAIN HAZAARON RANG MARZI KE
AADMI KO KUCH AATA NAHIN RONE ,HANSNE KE SIWA
-----
KOI TERI BAAT SE NA HO SAHMAT TO NA SAMAJH APMAAN
US KI SOCH US KI,, APNE NAZARIYE KO SIRF APNA
MAAN
----
FARQ LAGTA NAHIN DOOR YA PAAS TERE HONE KA
BAS KHUSH KAR DETA HAI AHSAAS TERE HONE KA
----
Zara si der ka hota hai khushee ka pehloo
Qaid kaise karoon is ko yeh pal bhar ko mile
-----
Poochey jo koi duniya mein kya kaam hai mushkil
Sun sun kar ke kadwe bolon ko bhi rishta nibhaana
-----
Poochey jo koi duniya mein khush kyon nahin rehte
Shakl ghoom jaati hai aankhon mein rishtedaaron
ki
--------
Poocha jo us ne Duniya se kya seekha hai tum ne
Angootha uthaa ke apna dikhaana pada un ko
------
NA JAANE KYUN BADH GAYEE UN SE YE DOORIYAAN
JEETAY HAIN HUM MILNEY
KI TAMANNA LIYE HUWAY
------
Kya hain aaj hum aur
kya hum thay kal
Yaade-maazi ban
gaya beeta huwa pal
------
Sab ke apne hain masaayel hain masroof sabhi
Diya mauqa zindagi ne to mil baitheinge kabhi
-------
Daulat aur izzat mein hum ne chuna tha izzat
ko
Aaj kyun badh gayee
daulat ki haisiyat yaaro
-----
Hazaaron sajde bhi kum padenge
Us ki sirf ek rehmat ke bhi aagey
Meri bisaat kya meri auqaat hai kya
Mera kaam hai jhukna bas uske aagey
