MEETING OLD FRIENDS

Bakwaas si baatein kabhi falsafe zindagi ke
Afsos ke muqaam kabhi pal kabhi khusi ke
Hona to tab yehi hai milein dost jab puraane
Padey ghoonsa kisi ko aur padey tappoo kisi ke

AURAT

Aurat sab se badi hai taakat , ye khush ho to maze hain huyee ghussa to samjho aayee aafat

har ada mein hai nazaakat ,aur nahin marzi to hangaama karey aisa sabhi bhool ke sharaafat


Hai guftaar mein shafaqqat , jab kahey baat koi, lagey har lafz mein koot ke hai bhari sadaaqat

Koi rishta ho,ho agar teri sangat, aisa hi lagey koi doosra duniya mein nahin hai zariya-e-lataafat.


Kaam mein bala ki nafaasat, karey sabhi kaam ghar ke chahey bhlaey hi ho miyan se adaawat

Karey Aashiqon ki wo haalat , agar haasil na ho mohabbat to Aashiq phir kar bhi le baghaawat

KUCH ASH'AAR

Huway beemaar aise ke dum nikal hi gaya
Kaam aayee na kuch dawaa aur duaa unki
-----

Kabhi tanha na rahey saath tera khayaal raha
Aur is tarah se din tanhaayee ke guzar hi gaye

----
Kuch kar aisa ke zimmedaariyon se sabukdosh ho jaaoon
Rahey naa hosh qaaem taa zindagi madhosh ho jaaoon

MUMBAI KI BAARISH

Bambai ki yaad aati hai baarish ke naam se, Paani ka barasna aur garmi ka bhi padhna
Jaana hamaara bahar ko kisi kaam se, rukna kisi muqaam pe aur aage ko bhi badhna


Pairon ko paani se bacha bacha ke wo chalna,muskuraana kabhi, kabhi kisi ko dekh kar ladna
dhakka jo lage to kabhi phir in se sambhalna,kabhi de ke khud dhakka sambhaltey huway girna


kitna hi bacha lo magar bheego ge tum zaroor chaata na kaam aaye naa rain coat se dhanpna
jab laut ke aaoge tum bheegay huway ghar pe beemaariyon se khud ko na mehfooz samajhna


kaisi bhi ho barish aur iska jaisa bhi ho anjaam maza bheegne ka lena hai pachtaaenge varna
maza kyon na lein ke aati nahin barish yeh roz roz jaayegi ab to intezaar rahega aath maheena

KUCH AUR ...

Tabiat halkaan rehne de tu hassass na ban
Kisi ko kuch nahin hoga tuhje takleef hogi
---
Kya kahoon kuch kaam karne hain abhi baaqi
Nahin milta hai hamein waqt ,waqt guzaari ka
-----
Maqsad agar maqsood ho to mil jaati hai manzil
Har maamlay mein magar aisa nahin hota.
----
DOST KA RISHTA NA KHOON SE NA KHAANDAAN SE
PHIR BHI WO HOTA HAI AZIZ HAMEIN DIL O JAAN SE

---
kyon kar karein kaam ki kum keemat
Yehan har ek cheez ka daam ooncha hai

MUKHTALIF ASHAAR

Kabhi tanha na rahey saath tera khayaal raha
Aur is tarah se din tanhaayee ke guzar hi gaye
----

Thokrein khaa ke guzaari hai zindagi hum ne
Samajh na paaye kabhi raasta yeh kaisa hai
------
Dost na hote duniya mein to ghamon ke bojh badh jaatey
Hum kis se kehte apna haal dukh apne kaise bant jaatey
------

Kuch gham zindagi ke chupaaye nahin jaatey
kuch aise bhi hotey hain bataaye nahin jaatey

-------
Farsooda hain sabhi dunia ke sukh
kyon hoti hai khushi inke milne se
------
Narm thi bahut zindagi ab sakht ho chali
lagta hai jald hi yeh toot ke bikhar jaayegi

---
Manoos ho chuke hum, hum ko yahaan rehne do
jaisi jo zubaan bole usay wo zubaan kehne do
Ghar ghiraa hai to ghiraa rehney do humsaayon se
Sitam ke khoogar ho chuke sitam-e-jahaan sehne do
-----
joojatey hain shab-o-roz pareshaani se
khair khwah khwaab mein hi aaeinge
-----
guzar jaate hain jo din laut ke phir wo nahin aatey
wo aatey hain tasawur mein ya phir khwaabon mein wo aayein
-----

YUN HI

yeh kahan ki dosti hai bane hain dost qasaaee
majboori samajhta koi bhookey ko chaara deta


parwah karein kaise par hamaarey cut gaye
dil jo khulaa darbaar tha pehray ab lag gaye


dost sabhi gandey hain juma ko nahaatey hain
zakhm to sadey gey hi naakhun badh jaaye to kya


bulbula hoon daana-e-anaaj nahin jo ho dafan
fanaa hota hoon mein sateh tak aatey aatey


sabhi ka dost hoon sab pe hi sitam karta hoon
seh le jo kahlaaye dost na sahe to darta hoon


kyon dhoondatey ho dost dushman ke baab mein
haasil hua hai kis ko jo dekha tha khwaab mein

DIFFERENT STROKE

Wo bhari baarish mein bhi bezaari ki baat kartay hain
Aur hum bezaar hain ke baarish yehan kyon nahin hoti
--------------------------------------
Na kar koi kaam aisa ke khud bhi tu majboor ho jaaye
Na chahatey huway bhi apnon se tu bahut door ho jaaye
----------------------------------------
Rizq ka waada hai uska wo har haal mein dega
Hamaara farz hai itna ke kuch jadojahad kar lein
------------------------------------------

Yeh kaam ke lamhay na fursat deinge
Abhi ek guzraa tha ke doosra aayaa

---------------------------------------------
Shakal apni bigaad li jin ki khwaahishon ke liye
Unko apne sajne sanwarne se fursat hai kahan
------------------------------------------
KEHTAY HAIN KE HAR DAUR MEIN HOTEY HAIN FARISHTAY
HAR DAUR KA MAALOOM NAHIN IS DAUR KE TUM HO

AISI MAA KAHAN MILEGI

AANKHON MEIN TUM KO CHUPAAYEGI
TUMHEIN LORIAAN GAA KE SULAAYEGI

YEH DAASTAAN KAHAN MILEGI
AISI MAA KAHAN MILEGI

KABHI AISA KIS NE KAHA HOGA
KE JO LAFZ NIKLEGA DUA HOGA

YEH ZABAN KAHAN MILEGI
AISI MAA KAHAN MILEGI

KHUSHIYAN MILE YEH MANNAT HOGI
DUNIYA TERE LIYE PHIR JANNAT HOGI

YEH FIKR-E- JAHAN KAHAN MILEGI
AISI MAA KAHAN MILEGI

JUDA JUDA

Naa yaad karo tum apne guzre palon ki
Agar achchey bhi hon guzre takleef denge

---
Taaqat pe apni ho ghuroor na kabhi tujhe
Ke zarra sa bhi nahin hai tu kainaat mein

---
NA CHAHAT RAKH KISI SE ITNI KE KABHI TU
HO GAR JUDA TO PHIR SADMA KABHI NA HO

-----
Koi bhi shae ho asli deekhaayee ab nahin deti
Har cheez mein hoti hai duniya mein milaawat

-----

Hai karni parakh apno ki aine ko tu dekh
Kehta hai jise dost tu wo aks hai tera.
------
Nikaltay hain hamaary seene se alfaaz dhuaan ban kar
Jalaaya dhoop se ziyaada hamein sohbat ne logon ki

-----
Gham se bojhal dard ka ek samaan hai zindagi
Hogi raeeson mein ghareebon mein kahaan hai zindagi

-----

Ulajh kar reh gaye hain zindagi mein
Janey Kab fursat milegi zindagi mein

-----
HUM JALEY GARMION MEIN BAARISH KA MAUSAM HAI WAHAN
YEH TO HONA HI HAI KYON KI TUM JO HO MAUJOOD WAHAN

-----
Yeh khush nazaare reh reh ke hain yeh pukaare
Qudarat ne hain banaaye saare hain yeh tumhaare

DIFFERENT STROKES

Mitaaya apni hasti ko rahe hum khaaksaari mein
Yeh daana khaak mein milkar na gul-e-gulzaar ho paaya
(THE GREAT POET IQBAL SE MAAZRAT KE SAATH)

--------
SABHI NUMAAYAAN HAI KUCH BHI NAHIN HAI TUJH SE CHUPA
MUJHE YAA TO TU JAANEY YAA JAANEY PHIR YE MERA KHUDA
--------
Bachaaya hum ko Allah ne jis ke har dhoke se
Wo karta raha hum par hamle mauqe mauqe se wo = shaitaan
Hai imaan pukhta aur rahega marte dum tak ye
Rukeinge hum na raahe deen pe kisi ke roke se
----------

BADHTI UMAR

Umr badhi jism pe jhaaiyaan aaney lageen
Ruthi khushiyaan gham ki parchaiyaan aaney lageen
Har ek daur ka hota hai apna ek alag hi waqt
Mehfilein gum huweein tanhaaiyaan aaney lageen

TAKE 5

1.
Agar tum haq pe ho to ghussay ki kya zaroorat hai
Aur agar ho ghalat to naahaq hai phir ghussa tera


2.
Sabr kumbe ke sang, pyaar ki bashaarat hai
Sabr doosro ke sang ho to wo baa’íse izzat hai
Karein khud ke liye sabr agar hum har waqt
To phir wo khud pe aitamaadi ki alaamat hai


3.
Guzra hua socho ge , ghum se bhar de ga
Socho jo aaney wale kal ko to wo darr de ga
To phir aaj ko apna hi apna jaan kar tum jiyo
Jaisa bhi ghuzre khushiyan wo magar de ga


4.
Zindagi ke imtihaan ka nateeja meetha kabhi kadwa kabhi
Mushkilon mein aadmi hai banta kabhi aur hai bigda kabhi
Yeh sab haalaat pe hai jis tarah hum karein in ka saamna
karein jashn-e- kaamyaabi ya phir ro’ein iska dukhda kabhi


5.
talaash karna hai to seerat ko tarjih de tu soorat pe.
Soorat de sakti hain dhoka banisbat seerat ke

TAKE 5

1.
Agar tum haq pe ho to ghussay ki kya zaroorat hai
Aur agar ho ghalat to naahaq hai phir ghussa tera


2.
Sabr kumbe ke sang, pyaar ki bashaarat hai
Sabr doosro ke sang ho to wo baa’íse izzat hai
Karein khud ke liye sabr agar hum har waqt
To phir wo khud pe aitamaadi ki alaamat hai


3.
Guzra hua socho ge , ghum se bhar de ga
Socho jo aaney wale kal ko to wo darr de ga
To phir aaj ko apna hi apna jaan kar tum jiyo
Jaisa bhi ghuzre khushiyan wo magar de ga


4.
Zindagi ke imtihaan ka nateeja meetha kabhi kadwa kabhi
Mushkilon mein aadmi hai banta kabhi aur hai bigda kabhi
Yeh sab haalaat pe hai jis tarah hum karein in ka saamna
karein jashn-e- kaamyaabi ya phir ro’ein iska dukhda kabhi


5.
talaash karna hai to seerat ko tarjih de tu soorat pe.
Soorat de sakti hain dhoka banisbat seerat ke

HAIWAAN

Zaroorat karti hai majboor ke insaan bane haiwaan
Wa gar na kaun achcha kaam khud karna nahin chahata

THE GAME

Life is a game and you will have to play
Don’t care about people whatever they say

There will be criticism there will be praise
You choose the best path leaving other ways

Success and failure are part of this game
Happiness for success if failure don’t blame

Care for others no matter whoever they are
Share with others always make love no war

We have short time to live this beautiful life
Distribute flowers and throw the gun and knife

DOST - AAJ KAL

Kehtay hain dost khud ko par kadurat* rakhtay hain
Baa kamaal hain wo rishton pe qudrat rakhtay hain
Mile jo mauqa na bakhshein vaar karney se kabhi
Hain to insaan magar wo girgat ki fitrat rakhtay hain


KADURAT = DIL MEIN KEENA RAKHNA

ONE FOR ALMIGHTY

Diya sab rab ne ab kab kya de ye wo jaaney
Kin kin baton pe hum uski shukriya bhejein.

ONE FOR MOM

Ho bas mein to rakh doon qadmon mein uske mein saaraa jahaan
Sab kuch usi ka jo mera hai yehan naa woh hoti to mein hota kahaan
Sabhi rishtey naatey hain hotay bhalay lekin muqaddas hai iska muqaam
Karey jaan nisaar karey hum se pyaar hum jaantay hain sab woh hai Maan

FEW LINES

Bachche kisaan ke rahey bhookay taa umar
Biknay chaley jaate hai phal saarey baagh ke


Zindagi ho chali hai badi be suri si ab
mujh se sun koi dhun,le naach raag pe


kapda na wo pehne ge cheenta jo ho laga
karte nahin hain ghor zameeron ke daagh pe


Chingaari choo lay to nikal jaati hai cheekh
Darta nahin kyon aadmi dozakh ki aag se

HAQEEQAT

Hai yehi qaanoon e qudrat AZL se ABD talak
Zindagi paaye chain kaise maut ke aaney talak


AZL = BEGINING
ABD = THE END

KUN ( MEANS "HO JAA", GOD SAID KUN)

US NE KAHA SIRF ‘KUN’ AUR PHIR YEH DUNIYA HO GAYEE
SURAJ BANAAYA TO DIN HUA RAAT CHAAND SANG SO GAYEE
BAWA AADAM AUR BIBI HAWWA KO BHEJA JANAAT SE YEHAN
BEEJ INSAAN KA YEH JODI IS DUNIYA MEIN PHIR BO GAYEE

HUM NE HO KAR BHI NAA RAKHAA US KI BAATON KA KHAYAAL
KARTEY HAIN KAAM GANDAY HOTA NAHIN KUCH BHI MALAAL
BHOOL BAITHAY HAIN KE HUM HAIN SIRF EK KHATAA KI SAZAA
KARTAY HAIN HAR WAQT GUNAAH ROKAY KOI KAREIN SAWAAL

AA KAR KE DUNIYA MEIN INSAAN DAAWAY BADE KARNEY LAGA
THEEK SE BAN SAKA NA BANDA KHUD KO KHUDA KEHNAY LAGA
AISE AISE HAIN KAAM KARTA , KARTA NAHIN KUCH BHI SHARAM
GHAIRAT KO BHULAAYA BE GHAIRATON KI TARAH JEENAY LAGA


JAANTAA HAI ZINDAGI JO HUM KO MILI WO HAI SAZAA
HOTA WAHI SAB KUCH YEHAN PE HAI JO US RAB KI RAZAA
JAAN LO YEH BHI KE IS DUNIYA MEIN BHI HAIN IMTIHAAN
HOGA JIS KA FAISLA TAB JAB ZEEST PAAYEGI QAZAA

MERA DESH

Kahan se laaoon mein barsaat kitna sookha hai
Mere mulk mein har doosra bachcha bhooka hai

Kisaano ke paas jo zameen hai wo banjar hai
Sarkaar madad kahan hai karti wo sitamgar hai

Ruwaan ruwaan kisaan ka qarz mein dooba hai
jo ugaayein anaaj unke khaali godaam ajooba hai

paani phirta hai to phirta hai bas umeedon pe
paani chadta hai to chadta hai unke sabron pe

aise haalaat mein kyon na khud kushi wo karain
malaal hota hai jahan kaise phir khushi wo karein

na jaane kab yeh badley ga hogi khush haali
miley gi sab hi ko roti daal bhar bhar ke thaali

APNA

DEKHOON JAB MEIN AAINE MEIN AKS APNA LAGE MUJHE YEH HAI KOI SHAKHS APNA CHUPAAYE DUKHON KO HAI MUSKURAATA DARD O PARESHAANIYON KE BAR- AKS APNA

SAZAA

KOI PEHLOO SUKOON KA NAZAR NAHIN AATA KOI AANSOO KHUSHI KA NAZAR NAHIN AATA HUM KO NAA JAANEY YEH SAZAA MILI KYON KAR ABHI GUNAAH BHI KARNA HAMEIN NAHIN AATA

TAB AUR AB

Tum ko dekha to ghar yaad aaya Bhool baitha tha wo dar yaad aaya Kitni mushkil se kat-ti hai yeh zindagi Yaad karta na tha magar yaad aaya Sab doston kaa saath choota apnay chootay Pyaari pyaari galiyaan pyaare angnay chootay Kabhi jo khwaab dekhay thay khuli aankhon se Band hain aankhein magar sapnay roothay Pakad kar dil apna hum baith jaatey hain Wo guzray huay din jab yaad aatey hain Pata hai hum ko nahin lot kar woh aayenge Sachaai jaan kar, dil hum bahlaatey hain Ab yeh aadat si hai jab so kar uth-tay hain Kya hai karna aaj , mansooba is ka kartay hain In hi kaamon mein phir din jab beet jaata hai Daray daray se kal ka intezaar kartay hain

MOMIN AUR DUNIYA

Duniya mein khush hoga har haal mein wo Rakhta agar ho ga yaqeen, aakhirat pe jo ---------- Kartey hain wo daavey ke musalmaan hain hum Phir kyon ghabra gaye jo zaraa mushkil dekhi -------------- Ghafil hain, hum hain uljhanon mein ghiray huay ‘’duniya ‘’ ki socho gey to isi haal mein ho gey

HASTI AUR WAJOOD

Sab kuch bhula diya tere wajood ne Apni hasti hum talaash kartey hain

GHUM EK DHOKA

Ghum ka unsar haqeeqat mein hai ek dhoka Jaan nikal jaati hai , yeh miley zindagi mein jo

JAAHIL AUR QAABIL

Adaab aur alqaab gaye waqt ke juz hain Jo jaahil wo khush qaabil maqruz hain Shareifon ki izzat se khela sabhi nay Kaminay hain jitney wo mahfuz hain

pollution

Na zameen pe hawa saaf na hain dariya pur aab Na khush baash hain chehray na damaktey shabaab Mausam hain badley badley ,yeh hamaara qasoor hai Kar chaley apney chaman ko apney haaton khraab

khawaab

Ab kahan wo daur hai kahan wo raja nawaab Kis say sawaal ab karein jiska ka aaye jawaab Mahfilein thin ,thay shaan–o-shaukat ke darbar Guzar gaye woh zamaane bas dekhiye khawaab

TAMAASHEY

Hotey hain tamaashey to duniya mein har ek roz Hum ne kisi kirdaar ko pukhtaa nahin dekha --------------------------------------------------------------------- Hotey hain tamaashey to duniya mein har ek roz Kirdaar jo hain guzray nahin miltay hain imroz Pheekay hain rookhay hain koi dum nahin in mein Jazba hai naa koshish, wahi fitrat hai har nauroz ---------------------------------------------------------------------------

ZINDAGI EK JANG

KHUD KO RAKH KAR SAAMNAY TU DOOSRON KA HAAL PADH ZINDAGI MUSHKIL HAI, HAI JUNG,ISKO TU HAR HAAL LADH

MIS JUDGED

the following lines are for LelandStanford who was turned down from Hovard University as he was in a very simple dress (he wanted to donate a building to Hovard university but could not do it due to the ignorance he got from there as he was wearing home spun dress) and later he founded STANDFORD UNIVERSITY. Un ko bhaaya nahin main aur naa meri poshaak Mein ne logon ke bana daaley kirdaar aur ikhlaaq

KUCH ASHAAR

Dil ko kehna hai to muh mein zabaan phir kyon Kaan bhi hotayy na lagay gar dil dil se baat kartey -------------------- Alhaida muntakhib hain khuda, ghar inke alag banay Apnay mufaad ki khaatir na bakhsa khuda ko bhi -------------------- Zameen pe bheja hai tum ko jannat se nikaala hai Waheen jaaney ke khawaab kyon phir hain tumhein aatey

KHAMOSHI KI ZABAAN

Kehney suney mein ho jaatey hain alfaaz khatam
Maza jab hai ke wo samjhey aur chup hum rahein

HATE AND LOVE

Nafrat karein to apna hi khoon jalta hai Jaan jalti hai.
Pyar ek nemat hai jo sukoon deta hai zindagi chalti hai
Log har kism ke duniya mein bhejey hain rab ne
Koi dukh deta hai aur kisi ko dekhe se khushi milti hai

COLLEGE KE EK DOST KE LIYE

Class mein kum canteen mein ziyaada rehtay
Hostel mein study kum thi hoti ziyaada sotay
Mili graduation ki degree phir bhi honors mein
Dekho duniyaa mein kasiey hain kamaal hotay


Liye phirtey thay dil apna hatheli par har dum
Jaib mein phirtey thay liye abba ki bheji raqam
Milta mauqa to choupaati ya cinema ka rukh karte
Mil jaatey thay naqad aur agar yeh ho jaatey khatam


Jawaani ka khoon tha phir kaise na hota yeh garam
Ishq 2-3 kar daalay ladkiyaan thi kuch besharam
Hungaama ghar pe hua khadaa jab to sab theek hua
Banday ne phir khaa li sudhar jaaney ki jhooti qasam

Ab yeh haal hai un ka wo mulla se baney phirtey hain
Bhool baithay hain sabhi ishq, ishq biwi se karte hain
Khol rakhi hai doctory ki dukaan masjid ke saamney
Kabhi naadarr thay jo janab, Allah se ab wo darrtey hain.

EK SAATHI SCHOOL KA

School mein sar pe jab hota kitaabon ka saaya
Janab ke sar pe bhoot tha tab ishq ka chaaya

Har chuttiyon mein janab rukh gaaon ka kartey
Gaaon ke bholay logo se bhala wo kyon dartey

Hum se yeh kehtey gaaon mein aam kaaju khaaye
Chupa lete thay maze se gul jo gaaon mein khilaaye

Bhanak hum ko na padney di kabhi ishq ki apney
Dekhay jaate thay class mein bhi un hi ke sapney

Jab school ki khatam aur college shru hua
Inka gaaon bhi jaana phir zara saa kum hua

Jab kartey yaad un ko gaana hum se suntey thay
Phir sun kar thandi thandi si aahein wo bhartey thay

College chuna aisa jis mein unke* bhai thay padhaatay
Chalo bhai ko dekh kar hi wo tasalli kuch thay paatay

Bhai ne college badla to forun khud ne bhi badal liya
Khud to gaye saath apney chand doston ko bhi kar liya

Jaise taise college ki khatam ki inhon ne padhaayee
Chain mila tab jaa ke jab shaadi sahib ne rachaayee

Ab yeh bhi duniya mein mulla se baney phirtey hain
Tab ishq jis sey tha ab bhi ishq un hi se kartey hain

SMILE- Ek dost ke dost ke liye

Rehtay ho garam har waqt lagey dil bhi jaley hai
Petrol bahey ragon mein lage khoon ki jagey hai


Ghar mein gas ka phir mehnga choola kyon jalay
Sar pe rakho jo haandi to khaana muft mein pakay


Kehtay hain ke tabdiliyaan aati hain har ek par
Phir kyon nahin jhadey tumhaarey surkh aab ke par


Bachpan se dekha hai tumhein ek hi mizaaj hai
Mustaqil mizaaji ki misaal tha tu kal waisa hi aaj hai

Apney naam ko kabhi angrezi ka talaffuz tu dey ISMAIL = SMILE
Hansta nahin hai tu to muskrura ke suboot dey

NAWAAB

Kuch karne ki justuju ne kahin ka nahin rakha
Nawaab hain hum kyon hamein kaam ki soojhi

ETERNAL ....

Wo jo keh de main sunta hoon faasley ab be ma’ani hain
Nahin hum ko zaroorat darmiyaan kisi zariye ke honey ki

NB: yehan ZARIYA means phone or internet etc
and be maáni means without any importance or no need

THANK YOU GOD

2 NIWAALEY KHAAYE 2 GHOONT PAANI KA PIYA HAI
MIL JAAYE ITNA JO ISAAN KO WO ZINDAGI JIYA HAI
NA HAI UMEED ZIYAADA KI NA IS SEY KAM HAI MILE
TERA AHSAAN HAI MAALIK JO BHI TU NE DIYA HAI

MARRIED BACHELOR..CONTINUED...

ZINDAGI KUCH IS TARAH SE KHAFAA HUYI
NA JAANE KIS QASOOR KI YEH SAZAA HUYI
RAAT KE SAAYE DIN PE CHAAYE REHTE HAIN
SUBHA HO KAR BHI LAGTA NAHIN SUBHA HUYI

FOR THE MARRIED BACHELOR OF GULF

BIN KAHEY TERE MEIN SUN LOON AISI AWAAZ HO TUM
PHIR BHI KYON LAGTAA HAI AISA KE NARAAZ HO TUM
MILNA HOTA NAHIN SADIYAAN SI BEET JAATI HAIN
PAL BHAR MEIN PAAS AA JAAYE WO PARWAAZ HO TUM

RISHTA

Rishta jo kehlaata hai hota hai wo ek lafz
Hoti hai badi cheez jo maa’ne gar samjho maa’ne = meanings

MERE ABBA

PEHNEIN HO NAIKAR YA PEHNEIN HO WO JHABBA
HAR HAAL MEIN LAGTE HAIN HERO MERE ABBA
RAKHTE HAIN APNEY AAP KO WO SAAF IS QADAR
LAGNE NAHIN DETE HAIN KAPDON PE WO DHABBA

BAJA LETE HAIN WO DHOL, YA KOI PAAS HO DABBA
KAR LETE HAIN WO DANCE BHI RUMBA HO YAA SUMBA
KAI KHOOBION KE MAALIK PAR HAIN SADAA SI TABIAT
TAQAT BHI HAI ITNI KE UKHAAD DEIN WO KHAMBA

QURBAAN KAROON KHUD KO JO NA PAAOON MEIN DUMBA
DUA HAI RAKH UNKO KHUSH HAR HAAL MEIN RABBA
DEKHEY NAHIN HAIN AISE TERE BANDEY JAHAN MEIN
GHOOMA HAI JO BHI SHAHAR GALI GAON YA QASBA

BADALTI DUNIYA

KOI REET NAHIN HAI KOI RIWAAJ NAHIN HAI
JO KAL THA DOST APNA WOH AAJ NAHIN HAI
BADLATI HAI DUNIYA KYON BADALTE HAIN LOG
MAHOL NAHIN ACHCHA,SAHI SAMAAJ NAHIN HAI

FAISLEY FAASLON KE- for married bachelor of Gulf

Yeh meri aur tumhaari zindagi ka ek kadaa imtihaan hoga
Mein yehan rahoon ga tanhaa wahan door mera jahaan hoga
Kuch faisle naa chahatey huey bhi faasley banaa jaatey hain
Faasley honge magar dil mera tu jahan hai yeh wahaan hoga

dooriyaan hongi door, qurb ka ahsaas jab darmiyaan hoga qurb ka= Qareeb honey ka
Lamha lamha har pal ko tu mere paas yehaan hoga
Qasoor tera hai naa yeh, na koi ki hai ghalti mein nay
Haalat ka taqaaza hai yeh,sawaal naarazgi ka kahaan hoha

Kal ko humaara lakhte jigar badh ke jab jawaan hoga
Khushiyaan hongi haasil hamehin door ghamon ka dhuaan hoga
Guzar jaayeinge yeh din judaaee ke palak jhapaktey hi
Aur phir se shuroo hamaari zindagi kaa sangh sangh carvaan hoga

REPUBLIC DAY

AAJ DESH MEIN HAR JAGAH CORRUPTION KI MANHOOSIYAT HAI
AB TUM HI BATAAO KE KYA YEHI ASL MEIN JAMHOORIYAT HAI
HUM MANAAYEIN GE KHUSHI SE JASHN REPUBLIC DAY KA US DIN
JAB HAR NAAGRIK YEH KAHAY GAA SAB THEEK HAI KHAIRIYAT HAI

MUQADDAR

HUKM USKA NAHIN TO PATTA BHI NAHIN HILTA HAI
RAB CHAHAY TO PATTHAR MEIN PHOOL KHILTA HAI
HUM APNAY AAP KO ACHCHA YA BURA KYON JAANEIN
JO MUQADDAR MEIN HO UTNA HI HUM KO MILTA HAI

DOST AUR DOSTI

DOST KOI BURA KAAM KARTE NAHIN
DOST APNE KAHE SE MUKARTE NAHIN
DOSTI HAI DUNIYA MEIN SABSE BADI
DOST RAHTE AMAR HAIN, MARTE NAHIN.


DOST SE HO JAAYE GAR KOI KHATAA
DOST KO CHAL JAATA HAI PEHLE PATAA
DOSTI USKA HAL BHI BATAA DETI HAI
DOST HAQ DOSTI KAA HAI KARTA ADAA


DOST HAI SAATH TO SAATH BHAGWAAN HAI
DOST AADMI NAHIN DOST INSAAN HAI
DOSTI HI HAI POOJA DOSTI HAI NAMAAZ
DOST SE SAARI KHUSYON KA SAAMAAN HAI.


DOST MILNA KISI KO BADI BAAT HAI
DOST HAI PHIR MUSHKIL KI KYA BAAT HAI
DOSTI KARTI HAI HAR MUSHKIL KA HAL
DOST KO JAB KISI DOST KAA SAATH HAI.


DOST DUNIYA MEIN KOI JO ACHCHA MILE
DOST KO TUM NAA CHODO LAGA LO GALE
DOSTI KAA HI RISHTA HAI SAB SE BADAA
DOST JAISE PHOOL DUNIYA MEIN KAM HI KHILE

DUA SAB KE LIYE

Mushkilain hawa se hon halki
Khushiyan milain bulky bulky
Pyaar ho samandar se gehra
Muskurat se khila rahe chehra
Dost hon faulaad ki trah mazboot
Dosti pyaar-o-wafa se ho koot koot
Kaamyaabi sonay si chamkay
Milay fateh ke tamghay hi tamghay
Yehi meri dua hai sab ke liye
Din aur raat aayein raahat liye

KUCH AJAB SA LAGTA HAI

Yun to roshan hai yeh jahan bahut
Mujh ko kyon bujha sa lagta hai

Zindagi naam hai azaadi ka
Mujh ko kyon sazaa sa lagta hai

Madad karna to achchi baat hai
Mujh ko kyon khta sa lagta hai

Dost dikhaate hain kuch wafaa aisi
Mujh ko kyon daghaa sa lagta hai

Different Story

Life is different from the school,

there is no first, second or third.

Failure can stop you for a while,

but it can't take you backward.

Success could come to anyone,

no matter you were dumb or a nerd.

So what if you have not studied

masters from Oxford or Harvard.

Get up, don't sit quite, you can do it,

just put your best foot forward.

KHUD PAR BHAROSA- (IN HINDI -URDU MIX)

Khud pe kar bharosa tu sapne phir sahakaar honge
Har wo kaam jo na mumkin lage ,mumkin yaar honge
Kaamyaabi milegi ek din aur tum manzil ko paaogey
Kathin raastay phir jeevan ke khud hamwaar honge

Break ke baad - FAASLE, the increasing factor as moved ahead

If you ask me why
I have nothing to say but cry
The oceanic feelings turned dry
As the clouds got disappeared from the sky
Sometimes the relations get over without saying bye
When they reach beyond boundaries like no limits very high
I want but I am sorry I am helpless forgive me too as I can’t give it a try

HELP YOURSELVES

KYON KISI KO MADAD KO PUKAARE BAHUT DUM HAI BAAZUON MEIN TUMHAARE
DHOONDATE RAHO GE TUM JO SAHAARE TO KABHI MIL NA PAAEIN GE KINAARE

AAJ KA SAMAAJ

Kahan ho tum kahan hai hum kuch khabar hi nahin
Bichi hain laashein bahot ,dafan ko qabar hi nahin
Kyon hua kaise hua deewaangee ka yeh dangaa?
‘”Kursi paane ke liye neta ko hai sabar hi nahin!”


Sabhi raahein hain tedhi seedhi koi dagar hi nahin
Badey samjhaayein bachon ko yeh fikar hi nahin
Kahan kahan se guzar jaaye ga hamaara samaaj
Kehna padey ga jahan mein ab basar hi nahin


Karein hum muqaabala unka woh jigar hi nahin
Kaanpe dushman hamaare paas woh nazar hi nahin
Daal diye sabhi hthiyaar unke aage ab hum ne
Dushmanon ke dilon mein ab hamaara darr hi nahin

MUSKURA KE MILO

Muskuraa ke milo jis se milo , milo achchi tarah se
Kya pata ke guzar raha hai waqt kis pe kis tarah se

Zaroorat ho oosay oos lamhe tumaari muskuraahat ki
Paday ga farq usko ho gi kum jo usko ghabraahat thi

Zindagi deti hai lamhay doosron ko sukh dene kay
Milay ga tum iska dugnaa duaayein un ki lene sey

Yeh ek aisa amal hai jis mein kuch kharch nahin hota
Anmol hai yeh amal karney mein koi harj nahin hota

YOU KNOW WHAT TO DO

Duniya tumhein de gi kya patharon ke siwa
Kya karoge tum inka yeh tumhein hai pata
Banaee in se raahein ya kari deewaar khadi
Jaisa kiya kaam tum ne naam waisa hi hua.