ASHAAR

Mein insaan adna ,  aap ki shaan aala

Mein naacheez hasti , aap buland aur baala

Mujh gunehgaar ko  Madeena bula lo

Dua meri sun le  Allah subhaan wa taala.

 

 

---- 

YEH DUNIYA LAGE IS LIYE MUJH KO ACHCHI

KE AAQAA NE MERE YAHAN PAAON RAKHA

-----

Bata gaye raah  , jo bataane thay  waale

Karein kya agar wo bhatakna jo chahein

--

Ab mushkil hai logon ko yeh  batlaana

Karoge bura ,to phir  bura hoga  paana

Samjhte sabhi kya bura kya hai achcha

Jaan kar ab buray kaam karta zamaana

 

DOST KO MAIL NA LIKHNE PE DHAMKI MAZAAQ MEIN --TIME PAAS

Na dekha na bhaala tu bola,  Aye Laala

ke ab to nahin rukne wala mein Laala

Tera mail kal tak mila na jo mujh ko

Tere haath todne mein aaoonga Laala

Yeh jaanu mein karta hai tu  kaandi kaala

apun bhi Mukadam agar tu hai Laala

Panga na lena  tu mujh se nahin to

nikaalunga Laala , mein tera diwaala 

Mein ne hai khud ko ab tak sambhaala

Wagarna hoon kaisa jaane  tera Saala                               (  Brother in law..gaali nahin )

Darta nahin hoon phir mein bhi kisi se

Mein rakhta hoon chaaku Rampur waala

Jhopadpatti ki sab Maa Behan aur Khaala

Yehan sab hain jaane mujhe Gora Kaala

Bakhshta nahin mein kisi ko kabhi bhi

Meri baat ko agar sun kar ke  taala 

Ungli teri key board pe rakh,  Aye Laala

Warna na kehna , kaat  ungli  kyun daala

Ghusse mein mujh se chal jaata hai chaku

Soch ungli na rahi to,  na banega niwaala 

Jaa bakhash diya tujh ko mein hoon dilwaala

Chal hoja tu ab khush band kar apna naala

Jab ho teri marzi mail likhna mujhe tu

Yaad rakhna tu ,  kis se pada tera paala

ASHAAR

Apne wajood ko samajh shukr Allah bol

Shumaar tera hota hai nek bandon mein

--

Duaon ke zor pe chalti hai zindagi

Warna kahan bisaat ke ek pal koi  jiye

---

Sune baghair kisi shakhs ko na jhutla tu

Kya khabar ke nikal aaye naiki ka pehlu

--

Apne  tasawwur ko tu  yaqeen mein na dhaal

Ke wo hota nahin aksar jo tha socha hum ne.

-- 

Piye  bin hi  mera  ab hosh  kho gaya hai

Qalam tha kya karna aur kya ho gaya hai.

---

Dekh phir aaj behka yeh qalam hai

Dawaat mein ghalti se kya daaru hai daal di

----

Jo ho haasil hamein dekna mausamon ka

To hum sirf Bambai ki baarish ko dekhein

AAZAADI

Jaane kab tootein  zanjeerein mile aazaadi

Jaane kab hoga qafas ka ye parinda aazaad  

Jaane kab taale khulein ge zehan ke mere

Jaane kab hoga  yeh murda dil ZINDA  aabaad 

Jaane kab hogi pehchaan mujhe logon ki

Jaane kab mein reh sakoon ga  shaad baad 

Jaane kab hogi muqaddar mein mere khushiyaan

Jaane kab hoga haasil mujhe kehna zindaabad 

Jaane kab dil mera dhadhke khud apni  marzi

Jaane kab paayega sukoon yeh aadam zaad

 

TO KYA

Door manzil hai ,agar qadam thake to kya

Bojh bahut sar pe agar badan dukhe to kya

Shukr kar ke tu zindon mein hai kyun ke

Jo chal rahi hai zindagi yeh agar ruke to kya.

 

Zamaana zalim hai ye sar na jhuke to kya

Koi madad ko nahin, log hain ruKHe  to kya

Kisi se tu koi achchi  ummeed  na rakh

Khud pe ho eitmaad, haalaat be-tuke to kya

 

Dushman karein aapas mein muk muke to kya

Tera apna  koi  tera khayaal na rakhe to kya

Tu maanoos hai is duniya mein tanhaayee se

Bik gaye tere saathi, saath na koi tike to kya

 

Humsafar bichde koi rahbar na dikhe to kya

Qismat agar teri kaamyaabi na likhe to kya

Kaat zindagi apni tu ab be fikree se yehan

Is  daur mein gar ab sabaq na seekhe to kya

Ashaar

Dua dete hai jo wo gaali bhi kabhi dete

Haalaat zindagi ke ek jaise kahan rehte

--- 

 

Dono hi kaam mushkil  hain  aaj duniya mein

Haq ka talab karna aur doosra is ka ada hona

--

YEH BERUKHI SI DUNIYA HAIN LOG YEHAN FITNA

BAN KE UDAAS PHIR TU KYUN BAITHA HAI YEHAN ITNA

--- 

HAQEEQAT  

Umr badhi , ab yaaron padhI aankhein dhundhali

Bhoola mein maazi,  huweein  yaadein dhundhali

 

FALSAFA 

Mila kar matti aur paani ko guunda hai jise

Dhale kyun na phir Insaan,  jaisa tu dhaale

---

Gumnaami mein huwa yeh naam kaisa

Dekh ke milta hai mujh ko inaam kaisa

-- 

Kaise kisi baat ko mein yaqeenan keh doon

Dekh rehti hai yehan roz  pas – o – peshi  si

TUMHARA SAATH

Badnaseebi ka ho har taraf jab daur-o- dauraa
Jo agar ho saath tum taqdeer badal jayegi
Manzar burey khwaabon ke kyon na kitney hi hon
Thamo mera haath tum takbeer badal jayegi

BEDARD ZAMAANA

NAA AANKHON MEIN HAI REHAM NAA HI DILON MEIN IN KAY DARD HAI
TERI TAKLEEFON KO KYA JAANEY YEH ZAMAANAA BADA BEDARAD HAI
--------

KISI KO KABHIE KOI BAAT ASAR NAHIN HOTI
KOI MARTA HAI MAREY KHABAR NAHIN HOTI
HOTI HAIN KUCH RAATEIN BHAYAANAK ITNI
KAY IN RAATON KI PHIR SAHAR NAHIN HOTI

-------

MERI KYA HAI YAHAN HASTI MERA YAHAN KYA MUQAAM HAI
YEH SHAHAR HAI PATHRON KA YAHAN MERA KYA KAAM HAI.

-------

KOI PEHLOO SUKOON KA NAZAR NAHIN AATA
KOI AANSOO KHUSHI KA NAZAR NAHIN AATA
HUM KO NAA JAANEY YEH SAZAA MILI KYON KAR
ABHI GUNAAH BHI KARNA HAMEIN NAHIN AATA
---------

KAB KHUSHIYON BHARA PAL DUKH MEIN BADAL JAAYEGA
KAUN JAANEY YEH KYA LAAYE AANEY WALA KAL JO AAYEGA

APNEY KAAM SE KAAM RAKHO

SAB KAREIN WOHI KAAM JO CHAAHEIN HUM HAIN KARNA
JO RAKEHIN YEH UMMEED DOOSRON SE KHOTEY HAIN WAQT APNA
KARNA HAI JO KAAM TUM KO NAZAR TUM US PEY RAKHO
KARO APNA KAAM TUM DOOSRON PE NAZAR HAI KYON RAKHNA

Good one

Kabhi suraj bhi baadlon mein apni roshni khota hai
Kabhi kitney hi badal chayein roshan suraj magar hota hai
Phir kyon udaas hotey ho gar baadal ghamon ke chayein
Hogi khushiyon ki bhi kabhi baarish kyon tu ab rota hai

ASHAAR

Naaraazgi ka hai khauf samjhaaein to kaise

hamein chutti nahin milti ghar jaayein to kaise

--

Jab hum guzarte gaa ke gali se log kehte besura gala dekh wo gaya

Gaaliyaan kyun na dete log hamein gaate aisa, lagta ke sur kho gaya

Hamein gila nahin kisi ke gale se lekin M. Rafi se yeh gila ho gaya

Bhaiyaa  kyun na de gaya hamein gala us waqt is jehan se  jo gaya

---

Har koi apni marzi ka gaata hai gaanaa aaj

Gaye kahan wo jo karte thay dilon pe raaj

---
Kisi ka  milna  bichdna  hai rakhta itna asar

Mile to bane na mile to mushkil hai zindagi

----

Achcha kya bura kya gunah kya sawaab kya

Jab sawaal hi nahin raha inka phir jawaab kya.

---

Tujh ko rehna hai agar khush to

Bhool sab yaar kaam ki baatein

----  

Hosh ke kaamon mein hum mar mar ke jiye

Deewaangi sikhaati hai sahi dhang jeene ke

--- 

Yeh kaise  jee rahe hain  hum  apni  zindagi

Kis pal mein kab kya ho hamein khabar nahin

YA 

Zindagi hum apni jeete hain phir bhi

Kab kya ho is se be khabar hain hum

----

Apni jaan ko kaise mein apna janoon

Ke di hai jaan jisne wo phir le bhi lega  

--

Nehar bana di,  un ke gulshan ka karobar chala

Magar  humaari pyas ko ek qatra paani  na mila

--

Dua dete hai jo wo gaali bhi kabhi dete

Haalaat zindagi ke ek jaise kahan rehte

-- 

Dono hi kaam mushkil  hain  aaj duniya mein

Haq ka talab karna aur doosra is ka ada hona

--

YEH BERUKHI SI DUNIYA LOG HAIN YEHAN FITNA

BAN KE UDAAS PHIR TU KYUN BAITHA HAI  ITNA

---

Umr badhi , ab yaaron padhI aankhein dhundhali

Bhoola mein maazi,  huweein  yaadein dhundhali

 

--

Mila kar matti aur paani ko guunda hai jise

Dhale kyun na phir Insaan ,  jaisa tu dhaale

 

ASHAAR

 

Hamaare aane pe ghusse se wo laal huwe

Hamaare chehre pe aisa kya likha dekha.

YA

Hamein dekh to wo hans pade  ek dum

Hamaare chehre pe aisa kya likha dekha

DOSTON MEIN

Mera dost to tera dost…

pehle tera dost phir mera dost ,

tu qareeb us ke mein faasle pe,

neki mile usko teri gaali ke sile pe,

hai zikr uska tere har khat mein,

hum ko manaadi rahen hum had mein

usay kuch ho, tu din bhar pareshaan

yehi baatein hum ko karti hain hairaan

jis se tu itni dikhaata hai nafrat

asl mein tu us se karta hai mohabbat

 

 

 

ASHAAR

Bandha hoon itni zanjeeron mein ke azaadi nahin milti.

Banta    hoon itne tukdon mein ke ab joda nahin jaata

--

Yeh  mumkin  kaise ho,   wo ho jaaye ,  jo  tu  chaahe

yehi mumkin hai ,  wo hoga,  jo hone ko,  woh chaahe

---

Ummeed lagaaye   apno se  baitha hai  yeh dil

Maayusiyaan ab is ke muqaddar mein aayeingi

 
---

kaise ab zikr apni bebasi ka un se ho.

Jab Dor itne naazuk rishton ki bandhi ho

--

Lagta nahin guzre gi kabhi saath zindagi

Guzre jo din thay saath na aayeinge phir kabhi

---

Kai kaam hote hain jo bante nahin hum se

Zaahir hai maddad ke liye apno ka rukh ho 

Aata nahin jab kaam  zaroorat pe  koi to

Phir aise rishton pe kaho kaise na dukh ho

---

 

Ghaafil

Allah ne diya hai sab,  ghaafil hai tu in sab se

Tujh ko to puri karni , hawas jo hai tumhaari

Waise to tu hai muslim ,soche hai magar apni

Kahan se hogi  dil mein  imaa’n ki  bedaari

Jazba kahaan se aaye be baak sadaaqat ka

Fareb karta hai tu , lagi  jhoot  ki  beemaari

Is haal mein ab teri , qabool ho dua to kaise

Dhoke diye hain lakhon hain kufr be shumaari

Bigda nahin hai ab bhi , hai wo banaane waala

Toba kar ab tu dil  se, nekiyun ki ho  tayyaari

Kahein ge tab yeh tujh se tujhe dekh ke farishte

kaamyaab hai teri duniya, tu ne aakhirat sanwaari

 

ASHAAR

Teri zaban se nikle jo lafz meetha ho

Aur tera kaam kisi ko na giraan guzre

--

Dil ki haqeeqat mein hai kaarsaazi aur

Jane kyun ishq mein badnaam huwaa

---

Kehne ko hain aazaad phir yeh bebasi kaisi

Kaisi kaisi majbooriyun se bandha hai aadmi

--

Bhoola na hai yeh kuch bhi hai yaad ise ab bhi 

Budha na huwa hai ye samjhdaar hai ye ab bhi

Chahta tha jis ko kal yeh hai  un se pyaar ab bhi

Dil ab bhi dhadakta hai wo do chaar huwe jab bhi

---

Khauf, intezaar-e-nateeja aur mohabbat

Dil dhadakne ke hote hain  wajoohat  kai.

 --- 

Dhoondo ge rangeeniyaa- e- jahaan to doob jaayga dil

Yeh  umr  hai  janaab  har waqt  wazoo  mein  rehne  ki

----

Jo kuch bhi mila hai  , Allah ki  rehmat

Tujh ko wo mila hai  jo tha  teri qismat

Ziyaada ki  lalach, hawas hai buraayee

Us ne jo diya hai tujhe wo teri zaroorat

--

Hain gunehgaar hum tere abd se

Wo de saza ya hamein bakhsh de

ILM

Fitrat mein insaan ko mili hai yehi hikmat

Ke mujh se muqaabil ki na kare koi jur’at

Chahay ye hukumat karoon ban jaaoon khuda mein

Duniya ki haasil karoon ab saari mein daulat

Islaam ne phir hum ko diya Ilme Jamhuriat

Dikhaayee raah ke kya hoti hai insaaniyat

Kiya yeh  faisla  ke barabar ho sab ka haq.

Insaan hain sab tum na karo ilaan-e wahdaaniyaat

Yeh taaleem di ki shukr Allah mein hai barkat

Zara ghour se dekho ke bakhsheein hain kya nemat

Duniya ki   na ranginiyun mein waqt  guzaaro

Paanch waqt namaaz ki din mein karo zehmat

Deen ki raah chalo , karo sirf Allah ki ibaadat

Sudhar jaayeigi zindagi ban jaaye  aakhirat

Kitni hi pade mushkilein hon pareshaaniyan kai.

Himmat na haarna imtihaan leti hai qudrat

ASHAR

Jab Allah negehbaan hai rehbar hai tumahaara

To maze se kaat apni zindagi karta hai fikr kyun

---

Tha daur baghawat ka bane thay baaghi hum

Khudi ka bukhaar tha, Pahne thay khadi hum   

Angrezon ko mulk se bhagaana tha hum ko

Sherwaani pehene kaise kar lete shaadi hum    

---

Bhoola zamaana ab parwaana khudi ka

Kahan yaad kalma ab puraana khudi ka

Besharmi aur be- hisi ka hai daur daura

Kahan mar gaya wo deewaana khudi ka?

---

Keh  gaye wo baat jo thi un ko  kehni

Hum ne to azal se aqal pe patti pehni

Kufr karte hain har ek amal ko aisa rakha

Hai hum musalmaano mein yeh kund zehni.

 ---

MERI BISAAT KAHAN JO MEIN YE QUDRAT SAMJHOON

AQAL HAIRAAN ZEHAN MAAUF AUR ZUBAN CHUP HAI

 

--

 

Gum huwe aise na nishan raha na yaad baaqi

Na kuch pehle raha  na kuch mere baad baaqi

---

Apno se ab lagta hai ajab mil ke

Ab  kaise hanse hum batao khil ke

Jo thay bhai bandhu, ab na rahe waise

Badla taiwar,  rishte badley dil ke

---

 

Aisa afra tafri ka aalam huwa hai aaj

Ke khatra  ‘apno’  se  huwa  hai aaj

Jo thay rafeeq o azeez hamaare kabhi

Un hi se ja ke danga  huwa hai aaj

 

 

ashaar

Yehi to haq hai Dosti ka Doston mein

Ke wo tohmat lagaaein ya ilzaam dein

Kahein baat achchi  to naaraaz hon

Aur sunaayein jo gaali to inaam dein.

----

Maangta hoon wapas, waqt jo guzra tha bachpan mein

Mujhe maalum hai Dunia mein na lautoonga main kabhi

----

NA KAR US PAR BHAROSA TU, TUJH SE JHOOT JO BOLE

KARE JO AITMAD TUJH PE US SE KYUN JHOOT TU BOLE

---

Sukoon barbaad kar ke apna hum baithe hain mehfil mein

Kaha kis ne tha yeh hum se ke tanhaayee mein dum nikle

--

Milti hai khushi hum ko , achche kaam mein magar

Kehte hain buray kaam ka hota hai maza aur.

---

Ab tak na mili manzil gaye mar thak haar hum.

lo nakaam chale duniya se zindagi guzaar hum

 

----

Jaise mile jahan se mile mar rahi hai ye kamaane paise

Is haal mein ab tu hi bata ye qaum zinda rahe to kaise

---

Marey jaate hain hiras mein hawas mein ab

Bahut  mushkil  hai  is  qaum  ka zinda rehna.

---

Door thay itni der se ab milna ajab sa lagta hai.

khaamoshi ko apni zaban dena ajab sa lagta hai

 

ASHAAR

Kahan zinda hain hum ,  mar  gaye  hain  jeeteji  kab  ke

Dhadakta dil, khuli aankhein, nahin zaamin hain jeene ki

-------

 

Kabhi aazaad phirte thay,  na socha zimmedaari ka

Padi jo zimmedaari to, kahan hai waqt kuch sochein ---

 

Zimmedaari , rishtedaaron ki ho  ya  ho  gahiron  ki

Khayaal apno ke sang rakhte hain hum paraayon ka

--

Hamein gila nahin kisi ke gale se phir bhi

Gila Rafi se hai ke kyun wo le gaya gala

----

Hai fikr uski Jo guzar raha , jo guzar gaya wo bhulaa diya

Mujhe maazi ka nahin yaad kuch mera haafiza kamzor hai

----

Chaahe Urdu ho ya ho Faarsi chaahe bole wo Turki zubaan

Mere waste wo  shireen sukhan  ise log  samjhe ge  kahan

-----

Gum hai sharm duniya se jo marzi hai karo jaisa

Kyun Ungli uthaaein ge hum, hamam mein sab nange

---

Zamana kahan aisa jo Mulla naa jhoot bole

Darvesh ke hai ghar mein tijori munh khole

Sultan  hain  ayaash dil in ka har waqt dole

Sipahi ko mile rishwat band rakhe apne dole

---

Unki aadat hai ke wo suntay nahin meri

Eid manaayein ge hum Jis din wo baat maane

 

ASHAAR

Dard apno ka apnaaya aur us pe chubhti baatein

Jo sah raha hai tu yehan,   hota hai sab ke saath

--

Mein “ heera’  hoon jis pe na rang-e duniya chadhe

Nahin “Paani”  ke jis mein milaaya,   ban gaya waisa

--

Khud  hi hain poori karni jo khwaheeshein  hein meri

Khwaabida tamanna ko kisi aur mein kyun dhoondun

---

Jise kehta rahe hum saari umar ko achcha

Ab usko bura kehna hamein bura hai lage

--

Kahein ge hum bura usay , to na ghatega woh

Aur na badhe gi izaat hamaari   is buraayee se

--

Hamein maalum na tha kya hai rishta dil ka aankhon se

Pata hum ko chala jab dil yeh toota aur aankh bhar aayee

 
---

Tu hai taareef ke qabil,  likhun   kya  waaste tere

Ghazal teri Nazm teri , hain qaseedey waaste tere

---

Jaise ho  chale aao,  yaa  aa  jaao  sanwar  kar  tum

Hamein har haal mein soorat tumhaari pyari lagti hai

 

ASHAAAR

Kehte hain ek saa nahin rehta hai kabhi Waqt

Yeh jaan kar bhi Dil na behlta kabhi kambakht

----

Bikte hain kuch log yehan kodiyuon ke mol

Zameer  ne  kabhi  is  ki  ijaazat  na  di  hamein

 

---

Khaaksaar hoon  sharmaata hoon  taareef  jo sun loon

Mein ne samjha hai ab tak tifle maktab aap hi khud ko

----

Chalo dar guzr  karte hain hum  har khata  teri

Hum jaante hain karta nahin hai jaan kar ke tu

-----

Yeh adaab hain adab ke is haath deta hoon us haath leta hoon

Wo salaam karte hain mujh ko,   mein duaayein deta hoon

---

Yeh kaisi badtamizi,  hai ikhlaaque yeh kaisa

Dete hain gaaliyan hamein, ghairat nahin aati

---

Tanqeed kyun ki mein ne,kis ne diya tha ye haq

Afsos mein hai dil ab ,  pachtaawa liye baitha

--- 

Socha tha ke ab unko   hum deinge gaaliyan

Dekha jo chehra unka taareef hum kar baithe

--

Mila jo bande ko us ka wo shukr nahin karta

Wo dekhta hai ke doosre ke paas kya kya hai