Ashaar

Mushkilein kum nahin fikron ka pahaad khada
Zarooratein behisaab faraaez ka tokra  hai bhara
Adna insaan ka yehi haal hai is dunia mein
Abhi sambhal bhi  na paaya tha ke  gir pada


-----------x-------


Ek pal ka sukh , aur sadiyon  hai rehta dukh
Khushi ka ek chehra  aur ghamo ke kai rukh
 


-----------x-------


Apna maazi ek uljhan apna mustaqbil fikar
kal jo guzra hum yahin thay kal jo aaye hon kidhar


-------X-------------


Is kaifiat ko main tumhein samjha nahin sakta
Apna bhi kisi waqt mein apna nahin lagta
Gahiron pe kabhi jaan bhi dene ko jee chaahe
Apnon se bhala ghair hai anjaan nahin lagta


-------x-----------


Bura zamaana hai, dil ko sazaa kyun
Yeh pyaar ka makeen hai adaavat se bhara kyun.

Aakhri Ayyam

Zindagi ab chooti jaa rahi hai

Yeh dore  tooti jaa rahi hai

Nahin pata kaise kab guzri

Jaan jism se roothi ja rahi hai

Is safar ki ab tayaari kya

Jaana hai sahaaron pe sawaari kya

Vaid o hakeem ki zaroorat kise

Kya sehatyaabi,  beemaari kya

 

Pachtaawa malaal  kaisa ab

Fikr o khayaal kaisa ab

Waqt nikal chuka hathon se

Tehqeeq o sawaal  kaisa ab

 

Shikwe naale dar guzar kar lo

Jo mila uska tum shukar kar lo

Maghfirat ki dua zaroori hai

Aakhri ayyaam to sabar kar lo