KUCH ASHAAR

Tanhayee aaj mere kaano mein chupke se ye keh gayee

Mulk choda jo  tu ne  zindagi  mehmaan ho ke reh gayee.

------------- 

Majboor tu na hone dena mujh ko aye khuda

Majboori mein ho jaata hai insaan kya se kya.

----------------

 

 

Fuzool si zindagi ke fuzool ghamo ko chodo

Do jism ko zara jhatka aur sar ko  jhinjhodo

Phir se behaal zindagi bahaal nazar aayegi

Bachpan ki yaadein khakhoro aur khushiyan batoro

--------------

Saare qaul puraane aaj hain lagte ghalat

Sahi ab wo hi lagta hai,  ke jo kiya hum ne

--------------

Mehfil mein lage tanha, tanhaayee mein mehfil jame.

Yeh kaifiat mere khuda, deewaano si mujhe kyun lage.

--------------- 

Bujhti aag pe karti hai yeh tel ka sa asar

Dabi aah ubhregi tere ek wah kehne se

------------- 

Kahin  behti hain nadiyaan aur pyaase nahin milte

kahini kisi ko milta nahin ek qatra  peene ke liye

kahin ifraat hoti hai shajar samar ki aur nahin bhooke

kahin moyasaar nahin daana e gandum jeene ke liye

 

 

MY DUBAI

Dekha nahin Dubai sa ,  hum ne kaheen shahar

Tha rait  ka Dera jahan  aur  charon  taraf  bahar

Rehne ke yeh qaabil nahin,kehte thay sabhi log

Garmi  ka  tha  basera   jehan  shaam   aur  Sahar

 

Thi  paani  ki  qillat  yehan aur  na thay shajar

Padhayee  ke liye  bachche  karte thay safar

Aatey  thay  sabhi  log  yehan  rozi  ke  liye

Kachche makaano mein hota  guzar  basar

 

Ho rahi thi traraqqi magar dheema tha asar

Jeeti  thi  zindagi  jaise  ho  jaaye  bas  guzar

Phir aayee tabdeeli yehan ek dum se achanak

Sk Muhammad ne apnaayee Sk Zayed ki dagar

 

Huwa daur shuru kaamyaabi ka   phir is qadar

Badla  yehan  ka  naqsha  banay   naye  ghar  

Banaaye hawaee adday, raahein nayee banee’n

Khush’haali  taraqqi  thi  jidhar dalo  nazar

 

Ab  paani  ka  na masla  na garmi  ka  hai qahar

Padhne ab log aate yehan college hain beshtar

Imaartein bani hain nayee sab hain laajawaab

Aspataal bhi hain ab  Dubai   mein  kai  moatbar

 

Har  zariya safar ka mile  chale  jaao tum  jidhar

Metro  Tram Taxi aur Bus , intezaam hai is qadar

Paani  ki  taxi  hai  yehan  samandar  ki  sair  ko

Desert Safari ke liye  hain   Sahra ke samander

 

Qanoon  aur  tarbiat yehan  sab se hai  behtar

Jurm  kum hain ,  kisi  ko  lagta  nahin  hai  darr

Hifaazat  ko  police  hai  khadi  yehan  raat  din

Eve  teasing  pe  padte  hain  kode  peeth   par

 

Sonay ke  bazaar,  bikein heeray moti ke zevar

Kapdon ki dukaanein jahan sale laghti hai aksar

Hain madad  ke waaste  kai Banks aur Institutions

Lete hain bahut kum munaafa paise yeh  dekar

 

 

Har mulk ka banda yehan maalik hai ya  naukar

Sab ko milta kaam yehan, koi khaaye na thokar

Sukoon se hota kaam yehan ladta nahin hai koi

Rozi Roti milti  sab ko  yehan  khoob sair hokar

 

 

Khalifa tower hai khada yehan kar ke ooncha sar

Banaaye kai  hain  yehan pe Palm  Island se nagar

Huwa   har  ek  kaam  mein  hai   naam Dubai  ka

Dubai  kehta har koi gar poocho jaana hai kidhar            
       

Jaate  thay  khel   dekhne  hum door  dar  badar

Phir Dubai bana international tournaments ka ghar   

Karaaye kai  world cups yehan  ghodon ki race ke

1986 Olympiad Chess ka markaz tha Trade Centre

 

Athens Olympic 2004 Gold medal  jeeta ban ke shooter

Wo shooter hain Ahmad bin  Mohammad  bin  Hasher

Yeh  pehla  Gold Medal  tha  jo   Dubai  U.A.E.  ne  liya

Al Maktoum  ruling  family  ke Ahmed hain   member  

 

Shaikha Maitha ne jeeta Gold Medal ban ke boxer

Maitha hain Sheikh Mohammad ki  Pyaari  Dukhtar

2005 Cyprus Kick Boxing ka International tha muqabala

Kiya  kamaal  UAE  ne  kul  chaalees  medals jeetkar

 

Sk Hamdan, Maktoum, Ahmed, Mansour aur deegar

Sab  bachchon  ka Dubai ke liye bas ek nazriya e fikar

Ho   kaam  naya aisa   jis  se  ho  naam  Dubai  ka

Is ko banaane behtar wo rakhte hain khud nazar

 

Ab  hum sab  hain  saal  2020  ke  aane  ke  muntazer

Duniya se  tha  muqaabla  EXPO  2020   ka  sakht tar

Jeeta  Dubai  ne  yeh bhi aezaaz,  hai yeh  badi  baat

Tayyaar  ho  rahi  hai  Dubai  baandh  ke  kamar

 

Waise to  Dubai  hai  kai  organsations  ki  founder

Ab madad wo karti hai un ki jo hain generation younger

Sk Hamdan bin Mohammad bane hain Chairman Jiske

Wo hai Mohammad bin Rashid Est.for Young Business Leader

 

    

                     

Duniya   mein   hai  Dubai ka,  ab  pehla  number

Hai  naam  Dubai  ka likha   har  ek  record  par

Har roz naye hote hain  exihibitions  Dubai mein

Sk.Muhammad  ne  Dubai   ko  kiya khub se khub tar

 

 

 

 

BACHELOR- PURAANE DIN

Thi sohbat doston ki   ,  tha  rang bhi chada unka

Koshish  har  koi  karta  tha  karne  chaalbaazi  ki

 

woh thay puraane din, bhulaana tha jinhein mushkil

Baithe laffaaziyaan karte , kahin baithak  baitbaazi ki                              

 

Na hi koi kaam tha  karna na  sar pe  thupa  tha  farz

Thalway thay, jaante tarkeebein sab dilnawaazi ki                                 

 

Kabhi jaate thay cinema  , kabhi  ki sair baaghon ki

koshish hi na ki hum ne kabhi  ban’nay namaazi ki

 

Jaane kab beeta bachpan aur hum huway jawaan

Zaroorat hum ko bhi padi phir is umr mein qaazi ki                                

 

Kaha maana hum ne kisi ka  aur jaldi se  haan kardi

Zaroorat hi na padi   un ko,  hamein  karne  raazi  ki

 

Khushi phir phur se udkar jaa ke boli  khuda hafiz

Mein ab khayaal hoon tera  ,hoon cheez  maazi ki

 

Ab ek jaal mein phans ke talaash e Mujrim karte hain

Pata  ab  tak  na  chal  paaya  yeh  kis ne  jaalsaazi  ki

AAZMAAYISH

Har pal ek museebat thi , wo waqt tha qayaamat  sa

jaise wo  aazmaayish  thi  ,kisi  jung  mein  ghaazi ki

 

Qismat  khel  jab  khele  to ban jaao khilaadi tum

Jo haasil tumhein hoga wo qeemat hogi baazi ki

 

Yeh jaante hain sab ke waqt yaksaan nahin rehta

To phir kyun dete dua hain sab,  umr daraazi ki  

 

Ab kaafi din hain ho guzre  na tapka aankh se aansoo

Kahin pe bhool baitha hoon main yaadein maazi ki

 

Main ab jaata hoon Masjid mein, gar maangu dua koi

Mile sab kuch jo maanga hai ye hai qismat namaazi ki

HAALAAT

Hum laayein kahan se wo Hamdard aisa

Dard mera  lage  jis ko   apne  dard jaisa

 

Kabhi Dil jo chaahe ke hans bol lein hum

Jo raaz hain apne unhein khol lein hum

 

Zamaana huwa hum ko thatt tay lagaaye

Yaad aata nahin , thay kab muskuraaye

 

Na waqt saath de ga na  haalaat honge

Ke furqat se kisi ki   hum mehzooz honge

 

Hamein  kya  khabar thi  faraiz  ke  badle

Hongi qurbaaniyaan har qadam pe  agle

 

jab sochein sila apni qurbaaniyuon ka

To paaya hai tohfa pareshaaniyuon ka

 

Jo hum ko  yehan apne ghairon se milta

Sunaayein hum kaise  kaleja hai hilta

 

Labon  ko  hai mere ek  chuppi  si  lagti

Zubaan phir hai meri  khaamosh rehti

 

Tab  rota hai Dil  paani  aankhon se behta

Ye  sab hone pe bhi  hai  Dil  mera  kehta

 

Dhadakta hoon mein sirf qurbaaniyun se

Pareshaan  na  ho  tu    pareshaaniyun se

 

HAALAAT - (AZAD BAHAR MEIN)

Hum laayein kahan se wo hamdard aisa

Kabhi Dil jo chaahe ke hans bol lein hum

Zamaana huwa hum ko thatt tay lagaaye

Hum  shaayad kisi baat pe muskuraaye

Na waqt saath de ga na ye haalaat honge

Ke furqat se kisi ki   hum mehzooz honge

Hamein  kya  khabar thi  faraiz  ke  badle

Qurbaaniyaan apni yun badhti raheingi

Jab  sochein  sila  kaar  guzaari  ka  apni

Jo hum ko  yehan apne ghairon se milta  

To aatay  hain harkat mein aasaab mere

Labon  ko to hai mere ek  chuppi  si  lagti

Zubaan phir hai meri yeh khaamosh rehti

Tab  rota hai Dil  paani  aankhon se behta

Ye  sab hone pe bhi  hai  Dil  mera  kehta

Dhadakta hoon mein sirf qurbaaniyun se

 

 

AAP AAYE BAHAR AAYEE

Suraj uga tha magar phir bhi bujhi bujhi thi subah
Tumhaare aaney se huwa hai ujaala jag mein.

Hawa chali thi magar  baade saba si yeh na thi
Jo  aaye  tum to hawa mein ek mahak  ubhri.

Na gulon mein rang thay ubhre na tha baagh khila
Tum aaye to gul o baagh mein hain rang bhare

Sama mein thi kuch kami aur fiza bhi thi dhundali
Khushnuma ban ke yeh jhooma jahaan jo tum aaye

wo din- college ke

 

Sab se alag thalag  hota college ka yeh  daur

Na  hoti paabandi koi,  na chale  kisi ka zor

 

Muqaddar  hai  cheez  kya na jaane yeh  koi

Fikr kise Naseeb kab jaaga ya hai qismat soyi

 

Karte apni mann maani jo maani dil ki maani                              

Hota College ka gulta bahaane yaad zubaani

 

Dil lagta na padhayee mein to yeh hota aksar

Dil maar ke baithay rehte, sunte boring lecture                               

 

Shauq lagte sab achche na nazar aati buraayee

Ghaltiyun pe hanste sab  ho apni ya paraayee

 

Dost kuch bane naye   saath thay puraane bhi

Kuch sharir aur shareef to kuch deewaane bhi

 

Kabhi khaana hotel mein hota  kabhi gol kar jaate

Paise kahan hote itne  hum roz pait  bhar  khaate  

 

Waqt guzarta hans bol ke sab khushi se jeete

Fikr bas ek baat ki rehti waqt na ab ye beetay

 

Hota hai kya Ishq is daur mein jaante thay sabhi

Kuch ne kiya aur nibhaaya aur kuch ne na kabhi

 

Gaye sur  school  ke , college  ke wo geet gaye

Kab  aayein  hain  palat  ke wo,  din jo beet  gaye

safar zindagi ka

Har umr ke mukhtalif zamaane hote hain

Samjhte hain sab phir bhi bataane hote hain

Hum sab yehan mehmaan hain to kya huwa

Zindagi jeene ke laakh bahaane hote hain

 

Bachpan ke din sab se suhaane hote hain

Shararat karne ke kai bahaane hote hain

Har taraf se suntay hain naseehat ki baat

sabhi ko hamein sabaq sikhaane hote hain

 

Jaawaani  ke din hum deewaane hote hain

Is zamaane ke dilchasp   fasaane hote hain

Badi badi ghaltiyaan bhi tab lagti hain sahi

Ehsaas  hota hai jab din puraane hote hain

 

Budhaape mein jaa ke hum siyaane hote hain

Is umr mein sabhi bigde kaam banaane hote hain

Buzurgi  ka ghuroor chaaya rehta hain zahan pe

Tajurbe saare  bachchon ko sunaane hote hain

 

kuch ashaar

SOCHTA HAI KYA BADH KE THAAM LE PAGLE

GAR WAFA MIL RAHI HO JO WAFA KE BADLE

KHUSHNASEEB  HAIN  WO JIN  KO SILA MILE

KYA PATA KAB YEHAN  DIL AUR ZEHAN BADLE

----------------

Hamein jhutlaata raha jaane kyun har koi

Hum to karte rahe hamesha  sab ki dil joi

------------------

Us ne dekha  aur  moonh  se kuch  na kaha.

Aur meri aankh se aansoo phir ruk na sakay

---------------

Shayad ke bhooli baat un ko yaad aaye

Mein ne maazi ki ek tasweer un ko bheji hai.

--------------

 

jab bhi guzra hoon maazi ke jharokon se kabhi

sabhi raahein, sabhi galiyon ne tera pata poocha

 

jaane tu kaun si jegah pe hai  jaa  kar ke  chupa  

har maqaam o manzar yaad karta hai tujhe har koocha

--------------

 

 

Raat taareek thi roshani na thi chiraagon mein

Tumhein dekha to raunaq si chaa gayee har su

 

ya

 

Raat taareek thi roshan na thay chiraagh kaheen.

Roshan mehfil ye huwee qadam tumahaara jo pada

ashaar

Maayoos thay hum logo ki harkat ko dekh ke

Maanoos hain  ab  saare zamaane  ke haal se

----

Hai qarazdaar mere jism ka har aasaab tera

Bada hai khaufnaak Maula mere azaab tera

Huway gunah hain mujhe se aye Rahim mere

Mujhe yaqeen hai na karega tu hisaab mera

---------

 

Maaf hain wo “ ghaflat “jo naadaniyun mein kien

Ab jo” ghaflat “ karte hain hum anjaam us ka kya.

-------------

Baitha tha beeti baton ko bhulaane ke waste

Tujh ko bhula na paaye , ye koshish fuzool ki

-----------------

 

Karte hain zulm aisa ke dil mein basay  hain woh

Rehte hain ab wo door door kehne ko hain azeez

----------

 

Bichde hain tukde dil ke, yeh duniya ka hai kamaal

Zinda hain is ummeed pe ke jald  ho ga phir wisaal

 ---------------

 

Hum ne dhoonda hai har mushkil ka hull

Tu ne bakhshi hai jab ilm ki daulat hum ko

----------------

 

Dhang ka danka wo peet’te hain kehte hamein be dhange

Ab kya kahein un se is zamaae ka jehan hamaam me sab nanage

------------------

Koi gurez nahin tum  ko ye bataane mein

Koi dhang ka nahin hai  is zamaane mein

kuch aur ashaar

Jo dekhti thein aankhein hamein aaj jhuk gayein

Dil   tootne  ka  hum  ko  ishaara   ab   mil   gaya

--------------------

Parde mein hain wo aur hamein dekhne ka shauq

Parda na kar sake magar dil chaak kar liya.

----------------

Kya sunein un ki, ab woh moatbar na rahe

Hum ne har  baat  pe jinki tha  aitbaar kiya

-----------------

Dost hai tu  mera  aur dushman si hai fitrat

Yeh kaisi kaifiyat hai,  mohabbat hai na nafrat

---------------------

Kehte hain qanoon andha hai hota

Pata ab chala ke banaate hain andhe

----------------------

KAMBAKHT YEH KAISA DAUR AAYA HAI UMR KA

HOTI HAI HAR EK KAAM KE KARNE MEIN BEZAARI

----------------

Na zor khud pe chale apna , na apno pe paraayon pe.

Samjh mein kuch nahin aata ye aakhir  bebasi kyun hai

--------------- Jahan  milti hai  naakaami  

Jab  anjaam  naayaabi  sa  ho

Tab hoti hai yeh khwaahish

Ke yeh kar loon mein wo kar loon

Tabhi uthtay qadam bhi hain

aur mazil  Masjid hoti hai

Bhulaaya jis ko tha hum ne

Khuda wo yaad aataa hai

--------

Dil ki sada kuch hai ,Zehan kuch aur kehta hai.

Yehi wo kaifiat hai jo hamein jeene nahin deti

------

Yeh hum mein koi tabdeeli kyun nahin aati

Hum jo thay kal waise hi aaj kyun hain lagte

Kya waqt ki tabdeeli hamaare liye nahin bani

Yaa hum hi hain jo waqt ke saath nahin chalte

------------

 

 

ASHAAR

Jo milta sukoon hai to fikrein bhi miltien

Huwa dil  jo halka to  zehan nahin khaali

------------------------ 

Lab khil jaate thay jab bachpan yaad aata tha

Aur kabhi hum ro bhi dete thay jawani yaad jab karte

 ---------------------

Ukta jaata hoon roz ke kaamo se jab

Tujhe yaad kar ke sukoon milta hai

 

---------------------- 

Junoon mein keh raha hoon lekin bakwaas nahin hai

Khuda kare ke wo samjhein haqeeqat ki  zuban meri

----------------------------

 

Hum se   ho ke mukhatib jab wo  koi baat   kehte  hain

Zubaan kuch aur kehti hai aur Nazar kuch aur kehti hai

-----------------   

Bigul azaadi ka mushkilon se baja

Huway qurbaan sahib e jaan kaise kaise

 

ya 

 

Milti hai chaahat badi mushkilon se

Huway qurbaan sahib e jaan kaise kaise

--------------

Jo nazar rakhte thay neeche wo mujhe dekhte rahe

Main jaan na saka ke is ki wajah kya thi.

 ----------------

 

 

POLITICIANS AND PUBLIC

Dhokebaazi  makkaari se  pur  in  ki  fitrat

Jhootay waade  karne pe in ko hai qudrat

Kiya  sab hai haasil jo  thi  in ki  khwaahish

Jo de’in gaaliyan  wo kareinge kya khidmat

 

Buraayee  to in ki    ab tum   karo mat

Banaayee hai tum ne hi ye hukumat

Ab jo bhi karein  yeh wo maan lo tum

Tafreeq ki  yeh    tumhaari hai   qeemat

 

Kal  bhi  thay  aaj bhi ho tum  bad bakht

B’tay tum ho aise ke bhaaye na sohbat

Ab haath malne se kuch bhi na hoga

Likhi hai tum ne yeh khud apni  qismat

 

Meri baat garchay lage gi tumhein sakht

Sambhal jaao guzra nahin hai abhi waqt

Bdal  jaayega sab jab khud ko tum badlo

Wa gar na tumhaari jald aayegi shaamat