TANHA

RAHEGA NAZARIYA TERA RAHEY TERI SOCH TANHA
KHUSHI KA DARIYA TERA RAHEY GHAMON KA BOJH TANHA

TANHA HAI TERA WAJOOD TERI PEHCHAAN TANHA
TANHA HAI TERI HADOOD TERI UDAAN TANHA

TERI REHGUZAR MUKHTALIF TERI MANZIL HAI TANHA
TERI   RAHAT  TAKLEEF    TERI MUSHKI L  HAI TANHA

TERA SABR SHUKR AUR TERI ADAAVAT  HAI TANHA
TERA ZIKR, FIKR   AUR TERI   IBAADAT   HAI TANHA

HUA HAI TERA AANA DUNIYA MEIN JIS TARAH TANHA
HOGA TERA JAANA BHI DUNIAY SE IS TARAH TANHA

JAANEY KYON

YUN TO ROSHAN HAI YEH JAHAAN BAHUT
MUJH KO KYON YEH BUJHA SA LAGTA HAI

ZINDAGI INAAM HAI , NAAM HAI AZADI KA
MUJH KO KYON YEH SAZAA SA LAGTA HAI

MADAD KARNA SAB KI ACHCHI BAAT HAI
MUJH KO KYON YEH KHATA SA LAGTA HAI

DOST  KARTAY  HAIN  SAB  WAFAA AISI
MUJH KO KYON YEH DAGHAA SA LAGTA HAI

JAB SE SHAADI HUI HAI - DOOSRA RUKH

ZINDA THA MEIN
ZINDAGANI NA THI

SHAAM HOTI THI
SUHAANI NA THI

SAB TO THA
SHAADMAANI NA THI

ISHQ  HOTA THA
KAHANI NA THI

NEMATEIN BAHUT THI
AASMAANI NA THI

JAB SE SHAADI HUI HAI

Just to make you smile....


“JAB SE SHAADI HUI HAI”






AZAAD THA MEIN

GIRAFTAAR NA THA



SAHAT ACHCHI THI

BEEMAR NA THA



NAQAD KHARIDAARI HOTI

UDHAAR NA THA



BANK BALANCE THA

QARAZDAAR NA THA



SAB KUCH THA

TALABGAAR NA THA



SHAADI KYON KI

SAMAJHDAAR NA THA

AAJ

AISE AKSAR ZINDAGI MEIN LOG HOTAY HAIN KAYEE




JO HOTA HAI, US SE WO KHUSH HOTAY HAIN NAHIN



SCHOOL WAALE KO COLLEGE KA KHWAAB HOTA HAI



COLLEGE WAALA NAUKRI PAANE BETAAB HOTA HAI



NAUKRI WAALA PHIR SHAADI KI SOCHA HAI KARAY



AUR SHAADI WAALA BACHDCHON KI JALDI HAI KARAY



BACHCHE HUWAY TO FIKR YEH JALDI HO JAAEIN BADEY



TAAKE PHIR APNEY KAAM PE JALDI HO JAAEIN KHADAY



KAAM PE JAANE PAR PHIR RETIRE KE HOTAY SAPNEY



AUR PHIR MAUT KO QAREEB WO PAATEY APNEY



TAB YEH JAAKE KAHIN HOTA HAI UNKO AHSAAS



KOI BHI APNA JAB HOTA NAHIN HAI UN KE PAAS



MAIN YE KYA KARTA RAHA YEH MAIN NE KYA KIA



GANWAYA WAQT KHUSHIYAAN, MAIN ZINDAGI NA JIYA



YEH TUMHAAREY SAATH HO AISA KABHI KARNA NAHIN



ZINDAGI "AAJ"HAI TUM AAJ MEIN JEENA YAHIN.

KUCH AUR ARZ

KUCH NAHIN MERE PAAS DENE KO TUJHE DUA KE SIVA


DUA KARTA HOON MERI DUA SE HI, JO TU CHAAHA ,MILE



--------



AA TUJHE BATAAON MEIN JEENEY KE ANDAAZ

NAACHO USI DHUN PE HAI AAJ JO BAJTA SAAZ

MUSTAQBIL KA NA SOCH KE KAL KA KYA PATA

ISKI USKI NA SOCH JO KARNA HAI KAR BINDASS





---------



NA CHAANEY DO DARD KO ZAMAANE KI KHUSHIYON PE

ZINDAGI KO NA TOLO TUM GHAM KE EK HI MAUSAM SE

KARO BARDASHT TUM MUSHKILON KE THAPEDON KO

CHALA AAYE GA WAQT ACHCHA AAJ YAA KAL KAHIN SE



---------



DIN BHI KISI KE RAATON KE ANDHERE LIYE HOTEY HAIN

AUR KISI KI RAATON MEIN KHUSHIYON KE DIYE HOTEY HAIN

HAR KOI APNA MUQADDAR LIYE AATA HAI IS DUNIYA MEIN

JO BHI HOTA HAI YEHAN BAS QISMAT KE KIYE HOTEY HAIN





DIYE = CHIRAAG



------

YEH KIS JAGAH MEIN ZINDAGI KO LE KAR AAYA HOON KE MERA PYAAR MUJHE NAFRATEIN LAUTAATA HAI



KISI MEIN DIL HI NAHIN TO KOI YEHNAN BEY HISS HAI SANGDILON MEIN KYON TU APNA DIL LAGAATA HAI



--------

HUM NE SEENCHA HAI CHAMAN GHAIRON KA APNE KHOON SE

KAAM AAYE HUM DAAME DARME QADME SUKHNE JUNOON SE

KYA YEHI MILTA HAI SILA ACHCHE KAAMON KA IS DUNIYA MEIN

HUM UTH BAITH BHI SAKTEY NAHIN GHAR APNEY SUKOON SE



------

HO TUM JO DUKHI TO HUM KO BHI DUKH HOTA HAI

MUSKURAATE REHNE KA APNA HI MAZAA HOTA HAI

APNE YA PARAYE DUKH YEHAN SABHI DETEY HAIN

KHUSH RAHO KHAAK DALO HONAY DO JO HOTA HAI



-----



NIKAL KAR DIL SE JAATI KHUDA KE PAAS HAI JO

QUBOOL HOTI HAI BAR WAQT WO DUA KAISI HO



-------

KUCH IS TARAH MEIN APNE RAB SE HUMKALAAM HOTA HOON

SUNTA HOON QURAAN SE USAY AUR DUAAON MEIN KEHTA HOON

EID MILAAD

Eid milaad thi yeh khayaal aatey aatey aaya ke insaan ke duniya mein aaney ke baad…..




Huway band ek ghalti se darwaaze jis pe jannat ke
Nahin sudhra saza paa ke bhi duniya mein wo aake


Gunaahon ka ye putla ghaltiyaan karta gaya har waqt
Kiya daawa khudayee ka hua zaalim woh kumbakht


Buraayee sab hi apnaayee us ne bhool kar ghalti
Jahannum ko bhi wo bhoola jahan pe aag hai jalti


Guzare san kai par haal is ka bad se hua bad- tar
Na aaya baaz wo karta raha gunah par gunah aksar


Bheja phir is Duniya mein Allah ney pyare Nabi (pbuh) ko
Mila deen sachcha dikhi raah sachchi hum sabhi ko

KUCH ARZ HAI

Jis ne banaaye hain yeh duniya jahaan
Wohi karega sabhi mushkilein aasaan
----------
  Yeh kyon kar sona hai singhaar bana dulhan ka kahaan se laaeinge wo log jo hain ghurbat mein   ------------   Kahin koi be-khayaali meri kar de gi khalish paida Mumkin nahin hai kar sakoon saare jahan ko khush

-----------   Aataa tha hamein jo yaad barwaqt Usay  bhool jaatey hain ab har waqt
Ab is mein apni koi ghalti nahin hai
Taqaaza hai ye umr ka ab is waqt

---------
  Kisi ka hota jo woh to us ke paas hota woh Kisi ka tha hi nahin phir kis ke paas hota woh

Ab kho gaya hai woh to uska kyon zikr karein
Hai apne paas jo chal uski ab hum fikr karein

------
  KUCH KAHA MERA WO NA AB BURA SAMJHEIN CHUP SI MEIN NE IS LIYE AB SAADH RAKHI HAI.

-------   Badalta hai waqt de ke ek nayee saughaat Khizaan , bahaar, garmi kabhi kabhi barsaat

-------

AMMIJAAN

ALFAAZ NAHIN MILTEY KE TAAREEF HO AMMIJAAN KI


TASHBEEH DE SAKOON , NAHIN AISI KOI AMMIJAAN SI



MARTABA JIS KA KHUDA NE KHUD BANAAYA SHAANDAAR

KAHA MAA SE 70 GUNAH ZIYADA KAROON BANDO SE PYAR ***



SAJDA AGAR HOTA KHUDA KE BAAD TO WO HOTA MAA KO

KAHA JAWAAB MEIN YEHI RASOOL NE, KISI NE POOCHA JO



MAA KI AZMAT KA PATA IS BAAT SE HUM KO CHALEY

JANNAT KO BHI RAKH DIYA HAI JIS KE QADMON TALEY



KISI KI MOHABBAT DUNIYA MEIN HOTI NAHIN HAI IS QADAR

BACHCHE HOTEY HAIN MAA KE LIYE US KI JAAN – O- JIGAR



BHOOL JAATI HAI WO APNI DUNIYA KO JIS KE PYAAR MEIN

KAR DETI HAI SAB KUCH WAARI APNA WO DULAAR MEIN



SEENCHTI AULAD KE CHAMAN KO , DOODH - O- KHOON SE

KARTI HAI BACHCHON KE SAARE KAAM EK NAYE JUNOON SE



JIS KE EHSAANO KI FEHRIST BULAND SE BULAND TAR KAHIN

JAAN BHI AULAD DE, EWAZ MEIN KUM HAI BARABAR NAHIN





TASHBEEH = MISAAL DENA YA COMPARE KARNA





*** God is comparing himself with mother





EWAZ = BADLE MEIN

ZINDAGI - INSPIRED BY A QUOTE

WAQT MILA  MUKHTASSAR HAI
KHATAM HONA YEH SAFAR HAI

DHEEMI TUMHAARI HAR HARKAT HO
JAAN LO JALDI MEIN NA BARKAT HO

JAB TUM JALDI MEIN MANZIL KO PAANA CHAAHOGE
PAANE KI AADHI LAZAT KO TUM BILKUL GANWAOGE

PARESHAANI AUR JALDI MEIN TUM NE DIN KO AGAR BITAAYA
WO AISA HI HAI JAISE HAATH LAGE TOHFAY KO  GANWAAYAA

ZINDAGI KOI DAUD NAHIN HAI TUM SAMBHAL KAR IS KO HAI  GUZAARO
IS SE PEHLE KE YEH KHATAM HO SAFAR TUMHAARA,   IS KO SANWAARO

MUMBAI MONSOON WILL BE MISSED THIS YEAR

IT IS NOT A POEM BUT WRITTEN IN SIMILAR WAY...

THANDI THANDI HAWAA KA CHALNA

PEDON KA PHIR ZORON SE HILNA

AASMAN PE BADALON  KA  GARAJNA

BIJLI KA RAH RAH  KAR  CHAMAKNA

PHIR BAARISH KA TEZI SE BARASNA

BHEEGNE IS MEIN DIL KA MACHALNA

PATRIYON KA PAANI MEIN CHUPNA                                                   PATRIYON = RAILWAY TRACK

TRAINO KA DHEERE SE BADHNA

BUS YAA TAXI  MUSHKIL SE MILNA

RUKTE CHALTE PAIRON KA DUKHNAA

SAB KA GHUTNO PAANI MEIN RUKNA

CHATRIYON KA  TEZ HAWA SE UDHNA

PHIR  HAATON KA SAR PAR UTHNA

BHOODON KA SAMBHAL  KAR GIRNA

BACHCHON KA KHUSHI SE HANSNA

JODON KA CHALTE CHALTE SIMATNA                                         JODON = PAIRS

DEKHNE INHEIN  LOGO  KA  MUDNA

SHARAM SE UNKE SAR KA JHUKNAA

BHEEGAY GA YUN MUMBAI APNA

DUBAI MEIN HUM KO PADEGA TAPNA

Sisakte dil se apni khwaahishein woh kehta hai
Mile jo zindagi mein tujhe tera woh rehta hai
Liye bojh apne armaano ka duniya mein aadmi
Justajoo ke dariya mein har roz wo behta hai

Woh phir usko duaaon mein maangta phirtaa hai
Haanton ko phaila kar woh Aasman ko takta hai
Daata deta nahin hai daan mein jo chahaa phir jab
Khwaab dikhlaata hai uska humko khush karta hai

Yeh baat kyon samajh mein hamein nahin aati
Zindagi jo aati hai har cheez saath nahin laati
Likh diya jaata hai har ek muqaddar mein kuch
Aur kuch cheezein hain har taqdeer jo nahin paati

DARD KA MAUSAM

Bujhi  bujhi  si aankhein meri hoton se muskaan bhi gum hai
Gradish mein hain taare itne achche waqt ke amkaan bhi kum hain

jaane  kab  aur  kaise  aaya  aafton  ka  yeh  lambaa  saaya
Din hai pareshaan raat bhi mushkil har pal jaise gham hai chaaya

Dhadkan hai ke ruk ruk jaaye bojhal aankhein jhuk jhuk jaayein
Ankhein roy khoon ke aansoo dil tadap tadap reh jaaye

Kahan gayee wo hansi humaari kho gayee har khushi hamari
Bhool gaye muskuraana hi hum aisi chot kismat ne maari

Ab lagta hai rootha Rab hai ab lagta hai rootha jag hai
Koi bhi ab sach nazar na aaye lagta hai ke jhoota sab hai

Jeevan ka ab saara ujaala badqismati ne kiya hai kaala
Saare gharon se maang ke dekha sab jaga ab laga hai taala

Koi apni aankhon ki roshni meri aankhon mein bhar de
Apni thodi si muskuraahaton ko ab mere naam kar de

VIBGYOR

If you see a drop of the water in light you will see many colours VIBGYOR

KITNEY RANG DIYE BHAR EK BERANG SE QATRAY MEIN
DIKHAYEE DE RAHI HAI JO YEH TERI SHAAN HAI QUDRAT

KOI HAL HAI BATA

Koi karta nahin mana na koi samjhaaye
Sabhi ki hai yehi koshih ke paisa haath aaye
Yeh kis rang mein ranga hai har ek shakhs yehan
Bhoola akhlaaqi qadrein aur na pachtaaye

Huwa hai paisa kamaana jehan ka maqsad
Bhool baitha hai jawaan bachcha apni hadd
Karein hain kaam sab aise rakhi hai sharm parey
Besharm baney phirtey hain ye sau feesad

Hawas duba ke rakhegi tum sambhal jaao
Aaney waali naslon pe apni taras khaao
Hoga haasil nahin paise se wo jo tum chaaho
khud bhi yeh samjho doosron ko bhi samjhaao

Kahan le jaayega yeh daur kis ko hai pata
Karein gunah lage na ke huwee hai khata
Ho chota ya bada sab hi hain is ke shikaar
Mere Maula is masley ka koi hal hai bata.

chand aur shaer

HAR DAUR MEIN KAREGA MUSHKIL KA SAAMNA
NEK BAR HO WO PAYAMBAR YA HO KOI MASEEHA
-------------

• OLD ONE WITH LITTLE AMENDMENT

TUM NE SOCHA KE KHAAYEE MAAT TO KHAAO GE
HAMMAT KAROON KAISE ,SOCHA TO KAR NA PAAO GE
JEET NA SAKOON GA MEIN YEH BAAZI KABHIE
GAR YEH SOCHA YAQEENAN TUM HAAR JAAO GE

MAIN HAARA ,YEH SOCHA TO PHIR TUM HAARE
HUM NE DEKHI HAI DUNIYA BAHUT PYAARE
WO JEETA HAI JIS KE HAIN IRAADEY BULUND
SUN ZAHANAT KE YEHAN KHEL HAIN SAARE

ZINDAGI KI JUNG JAB JEETI JAATI KAHIN
TAAQAT AUR TEZI SE HAI WO AATI NAHIN
AAJ YA KAL MEIN HOTI HAI US HI KI FATEH
JEETNE KA JIS KO MUMKAMMAL HOTA HAI YAQIN

CHAND SHEIR.

JANO UNHEIN GHANIMAT GUZRAY JO PAL KHUSHI MEIN
DUNIYA KI JHANJHATON MEIN HANSTA KOI KAHAN HAI
--------------------------

KYON KEH KAR KE DUKH KISI KO GANWAATA HAI WAQT APNA
YEHAN WO LOG NAHIN HAIN BASTE TUJH KO JO APNA JAANEIN
------------------------
BUREY SE LOG BASEY HAIN BURI SI DUNIYA MEIN
KAREY GA KAAM BHALA TO BHI WO BURA HOGA

--------------------

KISI BHI WAQT NAHIN KOI BHI KHADA PEECHAY
MADAD AGAR TU CHAHAY TO BAS KHUDA SE MAANG

----------
NA YEHAN WAQT GANWA SAB KO AAZMAANEY MEIN
YEH JAAN LE KE KHUD BHI TO KHUDGHARZ HAI TU
----------------------------

KAAM HO GA WAHI MUMKIN JO TU HIMMAT SE KAREY
HO GA NAKAAM AGAR TU NE SAHAARA DHOONDA
-------------------------------

MAAYOOSIYAN AAYEING TERE HAATH MEIN AKSAR
KISI SE KOI ACHCHI YEHAN UMMEED JO RAKHI

AAJ KA NETA

AAJ KA HAR NETA SAMAAJ KA EK PHODA HAI
DEY JO BHI DARD SAMJHO KE WO THODA HAI
SOOKH KE KAANTA BAN CHUKI HAI JANATA YEHAN
ZAALIMON NE KAS KE ITNA INHEIN NICHODA HAI

KHAATEY KABAB SAATH MEIN SHARAB AUR SODA HAI
JANTA KE NASEEB MEIN SIRF DAAL AUR PAKODA HAI
KHUD JAB SAFAR KAREIN RAASTEY CHAHIYE HAMWAAR
IN KA AANA JAANA BHI SAB KE RAASTE KA RODHA HAI

ITNA IS MULK KO TABAAHI KI TARAF MODA HAI
KOI SHAHAR NA GAON NA GALI KO CHODA HAI
KYA BATAAEIN KIS BAAT KA HUM ZIKR KAREIN
HOTA HAR AADMI INKE LIYE GHADA AUR GHODA HAI