Zamaana kahe , maano hamesha dil
ki baat
Kehta
zameer hai ke aqal se bhi kaam le
Bikte hain kai log yehan kodiyuon ke mol
Zameer ne kabhi is ki ijaazat hamein na di
Ghalti se hum karte hain khata kabhi kabhi
Wo jaan kar ke kiya karte hain khata roz
------
Meri
kaawishein meri khwahishein kahin kho gayee hain ghubaar mein
yeh lage hai dil , nahin ab mera, na
fizaaon mein na bahaar mein
-----
Ab sabr hi reh gayee hai dawa
Na jawaab aaya , tha jo kaha
----
Huwa maaoof zehan aur qayaas gum
Mere hosh khoye aur hawaas gum
Raha un ka agar,
yehi haal to
Phir meri ummeed gum meri aas gum
---
Kaha tum ne to mein ne likh diya,
chaahe lutf lo ya bezaar ho
Meri kaawishein , mere khayaal ko chaahe rakh lo ya bazaar
ho
----
Ummeed lagaaye apno se baitha hai yeh dil
Maayusiyaan ab is ke muqaddar mein aayeingi
Maayusiyaan ab is ke muqaddar mein aayeingi
-------
Hoon zinda to hai logon se dosti wa
dushmani meri
Wa gar na kaise hota apna shumaar zindon
mein
------
Karein hum kyun shikwa
unki kotaahi ka
khoye honge wo mere hi
khyaalon mein.
----
Kab wo qaid huway jin
ke hon zehan khule
Har bandish se wo khud
ko chuda lete hain
----
Har pal jo guzar rahi, wohi hai zindagi
Baaqi yaadein hain
ya qayaas aaraayee
-----
Jaadu hai fareb hai dhoka hai kya hai
Zindagi mujhko bata de ke tu kya hai
-----
Kyun parda kiya karte hain wo dekh ke hamein
Hum ne jo kiya Parda to dekhe ga unhein kaun
--------
Samajh sake tujhe na
, ek umr guzr gayee
Koshish kareinge
phir jo mili zindagi ek aur
----
Kehte hain ek saa nahin rehta hai
kabhi Waqt
Yeh jaan kar bhi Dil na behlta
kabhi kambakht
No comments:
Post a Comment