Tu na tha mere saath teri yaaadein thein
Badi Mushkil ke thay din buri rahein thein
Kaisi guzri hain yeh ghadiyaan naa poocho
Niklate aankh se aansu aur dil se aahein thein
—————————————————————-
Jise haasil hai is jehan mein teri sangat
Dunia mein hi hai us ke liye is ki Jannat
—————————————————————-
Main chaahoon tujhe mile saari khushiyaan
Maal o daulat se ho bhari teri Dunia
Khizaaon ka dukh tujh tak na pohanche
Baharein hon har dum khilein teri kaliyaan
—————————————————————
Teri Raahon mein hon phool hi phool bikhre
Nigahon mein hon khushiyun ke rang nikhre
Taraqqi mile mile har qadam kaamyaabi ki manzil
Hon Chandigarh ki galiyaan tere raste sunahre
—————————————————————-
No comments:
Post a Comment